简睫

标签： 陳法蓉 

陳法蓉今年減產，主力結識圈外人，只為早日覓得一位愛自己的基督徒男友。


可能是見過鬼怕黑的關係，法蓉不會再找圈中人為對象。


雖然身邊追求者眾，但法蓉仍未遇上合心意的人。


周遊列國工作的陳法蓉，閒時又與姊妹團歐遊充電，法蓉的生活過得十分充實。

平日應接不暇的工作已令她忙得分身乏術，閒暇時又與姊妹團歐遊傳教，陳法蓉（Monica）的生活認真多姿多采！身邊不乏裙下之臣的她，縱然享受開心的單身女人，但仍對幸福有所追求，只是緣分未到，不過於強求罷了！

當兩位前緋聞男友高調地將戀情白熱化，依然單身的Monica並冇半點酸溜溜，反而樂在人家關心她的工作近況及傳教經歷。生活雖然活得豐盛，但作為女人，仍想尋覓幸福，造就完美人生。她說：「依家我嘅愛情係一潭死水，所以我今年刻意減少咗工作，咁先會多番啲私人時間去識圈外人。呢幾年我基本上冇時間拍拖，我個人本身慢熱，加上識親都係圈中人，又點拍拖呢？」

近年集中在內地拍攝電視劇的Monica，可謂一劇接一劇，經常北京、上海、蘇州、武夷山等地四圍飛。難得放假時，她又與蔡少芬、黎美嫻及羅慧娟等姊妹教友赴歐洲傳道，甚麼「嘉亨戀」等花邊新聞又豈會留意到？別人大晒幸福的同時，Monica一樣高呼：「我生活得好滿足，我依家亦有人追，不過我唔覺得威。搵到一個我愛佢、佢又愛我嘅人先叫威。不過緣分唔可以強求，我唔想搵代替品，我希望將來愛我嘅人係一個專一、孝順同叻過我嘅人。」

漸入化境

外間對Monica的傳聞多多，一時說她結婚、一時又說她變成同性戀、一時又說她胃酸倒流被迫減產。作為一個基督徒，Monica自言對一切負面報道已看化：「我係一個好開心嘅單身女人，成日同朋友一齊出Trip、傳教Gathering，大家好錫大家。而且我喺內地大把廣告，雖然好多時我拍嘅劇唔係喺香港播，但好多片都賣埠去台灣、新加坡、韓國同越南。我有我特別嘅地方、知名度同經驗，自然有導演搵我，工作唔停，我覺得自己好幸運囉！」
08/08/2006 文： 李敏儀